*Ürəyimdə neçə ilin həsrəti....*

Ürəyimdə neçə ilin həsrəti,
Qəm ləşkəri hücım çəkir üstümə.
Əldən gedib,yaddı mənə dincliyim,
Qüssə,kədər durub yenə qəsdimə.
***
Mənə nələr verdi bu qeylü-qallar--
İllərdən illərə qalan xəyallar.
Sənin gözlərində o lal suallar,
Mənim dilim laldı,düşüb əsdimə.
***
Sənin taleyinə yazılan qismət,
Mənə də yar olub ömürlük,əlbət.
Mövludam,oduma qalanır həsrət.
Ağlayır sevgimin gözü tüstümə.

24.05.2014.Zərdabi.Mövlud Ağamməd.