Gözüm həsrət qalıb ağa-qaraya,
Heç bilmirəm çıxım gedim haraya.
Tab gətirmir ürək bu cür yaraya,
Ürəyimdə ölənim var, yasdayam!
Məni atıb getən qıza nə deyim,,.
Sığışmayır yerı-göyə gileyim.
Puç olubdur neçə arzum-diləyim,
Ürəyimdə ölənim var, yasdayam!
Onun görən heç insafı yoxdumu,
Görən desin, gözündən yaş axdımı?
Axı, ona sərf etmişdim vaxtımı,
Ürəyimdə ölənim var, yasdayam!
Ağlayan kəs qoy halıma ağlasın,
İncik könlüm çay deyil ki çağlasın...
Quş perikər uçmuş görsə yuvasın,
Ürəyimdə ölənim var, yasdayam!
Mən ki heç vaxt aşmamışdım həddimi,
Nə etmişdim, tapdaladı rəddimi?
Həsrət daha əyib büküb qəddimi,
Ürəyimdə ölənim var, yasdayam!
