USTAD ƏMRAH,SƏNƏ DEYİM DÜZÜNÜ.... (Ə.Almalının "Cənnətə kim gedəcək"şeirinə cavab)

Ustad Əmrah,sənə deyim düzünü,
Cənnət adlı məkana kim gedəcək.
Hamı getmək istər,ancaq hər zaman
Axirəti düşünənlər gedəcək.
***
Ömür boyu ibadəti yetirən
Rəsuluna həm salavat gətirən.
Son nəfəsin Təkbir ilə bitirən,
Şəhadəti düşünənlər gedəcək.
***
Haram maldan qaçıb halal dadanlar,
Kasıbların imdadına çatanlar,
Savab işlər görən,saleh adamlar,
Mərhəməti düşünənlər gedəcək.
****
Namaz qılan,fitrə,zəkat çıxaran,
Oruc tutub sədəqəsin paylayan,
Mömin olan,sidq ürəklə inanan,
Kəraməti düşünənlər gedəcək.
****
Xeyrə ümid edib,şəri pisləyən,
Özün hər an vəsfəsədən gözləyən,
Mövlud,Sirat körpüsündən düz keçən
Qiyaməti düşünənlər gedəcək.

9.10.2014.Zərdabi.Mövlud Ağamməd.