"Müsibət oluruq biz,Səhv düşəndə yerimiz..."(Qabil)

Ustad Qabil,duman dağı dolanır,
Qiyamətdir,qiyaməti görürük.
Duman yavaş-yavaş yola sallanır,
Müsibətdir,müsibəti görürük.
***
Ağ biləklər,qızıl əllər hardadır?
Tarlalarda cadar-cadar,qabardır.
Kafelərdə,restoranda,bardadır,
Qeyrətsizdə nə qeyrəti görürük.
***
Korşalıbdır pas atıbdır qılınc da,
Xaric olub pərdələri tarın da.
Suya qərqdir indi Mil də,Muğan da,
Talış çəkir bu həsrəti,görürük.
***
Yeri səhvdir bu dünyada hər şeyin-
Həftələrin,fəsillərin,günlərin.
Rəhmət sənə,düz çıxır dediklərin,
Sözlərində həqiqəti görürük.

25.05.2013.Zərdabi.(Mövlud Ağamməd)