Vida
Yusif Nazim Ərəbsoy tərəfindən "Şeir" bolməsinə 12:28 16 aprel 2014 tarixində əlavə olunmuşdur

Vida

 

Təzə açılıbdı kolda görmüşəm,

Nazik əllərimlə özüm dərmişəm.

Gülüm, sənin üçün gül gətirmişəm,

Götürsən də sağ ol, götürməsən də.

 

Vallah dəlilikdi sevgi sadəcə,

Dərdindən özgə dərd almıram vecə.

Məni xəyalına bir an, hər gecə

Gətirsən də sağ ol, gətirməsən də!

 

Gedirəm bu axşam vaxtı aşmağa,

Cənnət hurisinə şeir qoşmağa.

Özünü mənimlə vidalaşmağa,

Yetirsən də sağ ol, yetirməsən də!

 

Əziyyət verməsin mənə qəm daha,

Xəyanət etmirdim, edirəm daha.

Di, yaxşı, əlvida, gedirəm daha,

Ötürsən də sağ ol, ötürməsən də.

                                     

Sevgidir qəlbində halal sərvətin,

Gözəl, ucuz bilmə onun qiymətin.

Sən Yusif Nazimin saf məhəbbətin,

İtirsən də sağ ol, itirməsən də.

 

Yusif Nazim Ərəbsoy


... dəfə oxunub
Qiymət: 10/10(1 səs)
[qiymət ver ]
Şərh yaz
10+25=
Hesaba giriş
Müəllif

Yusif Nazim Ərəbsoy
Haqqında
YUSİF NAZİM ƏRƏBSOY (Məmmədov Yusif Ağaəhməd oğlu, “Nazim” - nəzmə çəkən, şeir yazan deməkdir) 1988 - ci il oktyabrın 10 - da Şamaxı rayonunun Ərəbqədim kəndində anadan olmuşdur. 1995 - ci il sentyabrın 1-də Qobustan rayon Göydərə kənd 9 illik əsas məktəbin 1 - ci sinfinə daxil olmuşdur. 2004 - cü ildə bu məktəbi bitirərək, orta təhsilini davam etdirmək üçün fizika-riyaziyyat və informatika təmayüllü liseyə qəbul edilmiş və 2006 - cı ildə bu məktəbin məzunu olmuşdur.  Bakı Slavyan Universitetinin “Yaradıcılıq” və Bakı Dövlət İqtisadiyyat və Humanitar Kollecinin “Mühasibat uçotu və audit” fakültələrini bitirmişdir.         Yaradıcılığa 14 - 15 yaşlarından başlayan Yusif Nazim Ərəbsoy əsasən, satirik mövzuda yazır. 2011 - ci ilin may ayında böyük satirik şairimiz M. Ə. Sabirin vəfatının 100 illiyinə həsr olunmuş “Satira və qəzəl” müsabiqəsinin fəxri diplomuna layiq görülmüşdür. 2015-ci ildə Azərbaycan Respublikası Prezidenti yanında "Bilik" fondunun "Vətənpərvərlik" mövzusunda ümumrespublika üzrə elan etdiyi müsabiqədə "Sərçə sevgisi" adlı şeiri 1-ci yeri qazanmışdır. "Şou dünya" adlı kitab müəllifidir. Kitabda müəllifin satiraları, sevgi və digər mövzuda yazdığı şeirləri, eləcə də aforizmləri çap olunmuşdur.          
Əlaqə
Tel.:
(070) 686 - 06 - 25, (050) 993-03-60
E-mail:
yusifnazim@mail.ru
Sosial şəbəkə:
Facebook
Ordenlər
Mirzə Ələkbər Sabir Ordeni
YouTube-da izlə
Facebook
0.0206 saniye