Bir daha geriyə qayıtmaq çətin.

Köləsi olmuşam bəxtin-qismətin.

Üzü dönübdürsə bu məhəbbətin,

Xatırlamasan da unutma, yetər!

Həyat əzəl gündən qəlbimi sıxdı,

Deyimmi vəfasız qarşıma çıxdı?

Gözlərim elə hey ardınca baxdı,

Xatırlamasan da unutma, yetər!

Ömürdən bir gün də kecdi beləcə,

Gəzdim hər tərəfdə səni gizliçə.

Yol həminki yoldur, küçə o küçə,

Xatırlamasan da unutma, yetər!

Sorağın gəlmədi... sükutu seçdin,

And-aman etdiyin əhdindən keçdin,

Axırda birinin qəlbinə köçdün,

Xatırlamasan da unutma, yetər!

Getdin...gözlərimə çökdü duman-çən,

Mayası yoxdursa göyərərmi dən?

Seymurun adını eşitsən hərdən,

Xatırlamasan da unutma, yetər!

MÜƏLLİF:SEYMUR SÖNMƏZ PAŞAYEV@