Əllərim sevincin üzərini örtür
Qapını arxadan bağlıyıb 
Çölə qaçaraq, yağışlı havada 
Hər gecə xəyallarla görüşmək bəsdir.
Hisslərimdə tanrı nəfəsi gəzir
Ona görə ruhumu vermirəm heç bir qadına.
Bu gecədə ulduzları sayıram yuxusuzluqdan
Axı niyə mən hər dəfə yatağımda sağa və sola dönürəm.
Hardasan, niyə gözlərivi ağlımda qoymusan
Deyəsən səni yox, gözlərivi sevmişəm.
İyrənirəm intihar qoxusundan
Zəhləm gedir, bir qadın ruhuna görə tavandan asılmış kəndirdən.
Şeirlər ruhumun qidası olub
Görəsən mən nə qədər sevəcəm gecələri
Yəqin ki, sonsuzluğum qədər, sevəcəm ulduzları...