Yadıma düşürsən
İlkin Abbas tərəfindən "Esse" bolməsinə 21:42 16 aprel 2015 tarixində əlavə olunmuşdur

Ən çox göy üzünün dolumsunub yağmağa hazır olduğu zaman yadıma düşürsən. Yağışın damlaları asta-asta yerə düşdükcə, xatirələr biri-birinin ardınca düşüncələrimdə sıralandıqca yadıma düşürsən, düşürsən yadıma... Bu yağmurlu havada könlümün könlü xəyallarda dolaşır, ruhum canımı sıxır və içimdəki dillənməyə hazır olan lal suallar nə bitir, nə də tükənir... Özüm -özümlə dolanıram cavabsız sualların içində və sonda yoruluram...Yağmurlu günlərin birində “ Bu mənəm, sənin üçün gəlmişəm, səni heç kimsəyə vermərəm” demişdin. O yağmurlu gündə də gözlərimzidən axan bir damla yaşla kipriklərimiz yuyundu və bu vüsal yaşıyla sevdamız paklandı, ülviləşdi ...Və illər keçdi belə yağmurlu günlərin birində də “ Nə olar danlama məni ürəyimi eşidə bilmirəm bəlkə də bu sevgi ömrümüzə çox gecikib”- söyləmişdin... Göy üzü dolumsunub həzin –həzin yağış yağır. Buludlar göydə öz kədərinə ağlayır, yerdə mənsə öz taleyimə...Özüm də yağışa dönürəm yağışlar yağanda . Sönüklük verir, hüzün verir mənə xatirə dolu hər damla .Yanaqlarıma düşüb döyəcləyən yağışın hər damlası göz yaşımın yanaqlarımda açdığı cığıra qarışıb ürəyimə yol alır.Və görən hər kəs yanaqlarımdan süzülən yağmur selini yağış damlaları bilir ... Qoy elə də bilsinlər! Bu göz yaşları o yağışlı gündə axan bir damla göz yaşından çox fərqlidir. Biri vüsal dolu göz yaşları , o birisi isə ayrılq yeli üşüdən...! Yağışlar mənə nisgili sevdiridi, mənsə həsrəti sevdim, arzuladım, həsrətsə içimdə saxlanan , gizlənən kədəri -qəmi sevdi... Və seçdi...

Müəllif: İradə Əlili


... dəfə oxunub
Qiymət: 10/10(1 səs)
[qiymət ver ]
Şərh yaz
4+30=
Hesaba giriş
Müəllif

İlkin Abbas
Haqqında
Abbasquliyev İlkin Qadir oğlu ( İlkin Abbas ) 1993-cü il Dekabr ayının 8-də Naxçıvan şəhərində Ziyalı ailəsində anadan olmuşdur. Onun ədəbiyyata olan böyük marağı hələ orta məktəb illərindən başlanmış, zaman keçdikcə şeiriyyat aləminə olan sevgisi güclənmişdir. Şair 2000-ci ildə Naxçıvan şəhər Afiyəddin Cəlilov adına 12 saylı orta məktəbin birinci sinfinə daxil olmus, 4 illik ibtidai təhsilini orada aldıqdan sonra, Naxçıvan şəhər Hüseyn Cavid adına 5 saylı orta məktəbə dəyişilmişdir. Onun "ANA DİLİ" adlı ilk şeiri 2010-cu ildə yazılmış və "TƏK SƏBİR" qəzetində nəşr olunmuşdur. Bundan əlavə, gənc yazarın Şeirləri Vəhdət.org. , Shahbulaq.az, Turkbir.info, ədəbiyyat-az.com, Gundelik.info, dokkuziklim.net saytlarında dərc olunur və olunmaqdadır. Hazırda tələbədir, Subaydır. Hələ ki kitabı yoxdur.
Əlaqə
E-mail:
ilkin.abbas.90@hotmail.com
Sosial şəbəkə:
Facebook
YouTube-da izlə
Facebook
0.0275 saniye