Yağan yağışlar da soyuqdur hələ,

Günlər ötüb keçər qaralı-ağlı.

Gecikmiş bu bahar ne vaxta gələ?

Tənha  bir ağacam cılpaq budaqlı.

Məni bu üşüdən soyuq qışdımı?

Yağışlar gözümdən axan yaşdımı?

İnsafsız yarımın qəlbi daşdımı,

Acarı itirib, qalmışam bağlı?

Qəlbim barışarmı eger dönübsə?

Gedəni kim saxlar atın minibse?

Həyatım heçnədi sevdam sönübsə,

Gərəksiz kitabam milyon varaqlı.

Atımı minsəm də çapa bilmədim,

Ömrümə səadət yapa bilmədim,

Həyatda bir mə”na tapa bilmədim,

Necə axtarsam da əli çıraqlı.