Yağan yağış, aramla yağ,

Dənə - dənə, gilə - gilə.

Elə yağ ki, damlaların

Dönməsin leysana, selə.

Yağ şumlanmış torpaqlara,

O saralmış otlaqlar.

Suya həsrət yataqlara,

Yağ dənizə, yağ çay, gölə.

Yağ qəlbimin təşnəsinə,

Yağ dağların çeşməsinə.

Baxma yerin üşüməsinə,

Yağ torpağa, yağ sünbülə.

Sənə dəniz, çaylar möhtac,

Nəfəs kəsən aylar möhtac.

Paralanmış laylar möhtac,

Yağ, ey yağış, sən nur çilə.