Yaltaqlana bilmirəm,
Yaltaqlıq itə yaraşır.
Tüklərin arasında,
Böyüyən bitə yaraşır.

Yaltaqlana bilmirəm!
Yediyim halal tikədir.
Mənim tikəm lap balaca,
Yaltağın yemi yekədir.

Yaltaqlana bilmirəm,
Qürurumu didib yeyir.
İsmətim öz hicabını,
Yaltaq qısa ətək geyir.

Yaltaqlana bilmirəm,
Beş arşın ağ daşıyıram.
Yaltaq zər-ziba içində,
Kəfənimdə yaşayıram.
Yaltaqlana bilmirəm!