Yatdın,ruhun göylərdədir,
Bir də yerə enməz olar.
Zöhrə kimi parıldayan
Bəxt ulduzun sönməz olar.
***
Batdın,adın dillərdədir,
Səhralarda,çöllərdədir.
Ellərdədir,güllərdədir-
Ləyaqətin dönməz olar.
***
Qatdın haram halal mala,
Boğazında tıxac qala.
Səbəb olsan qalmaqala
Tən torpağa gömməz olar.
***
Atdın,yerdə qalan deyil,
Bir kimsə də alan deyil.
Demə,sözün yalan deyil,
Haqq nahaqqa dinməz olar.
***
Çatdın,sənin qismətindir,
Namusundur,ismətindir.
Mövlud deməz minnətindir,
Minnət dəbə minməz olar.

1.06.2014.Zərdabi.Mövlud Ağamməd.