Yaxşılıq eləmə nadan kəslərə,
Qayıdar.cavabı yamanlıq olar.
Məcrası yönünü dəyişən çayın,
Sel gələr,suları bulanıq olar.
***
Söhbətin öz yeri.sözün öz yeri,
Ocağın öz yeri,közün öz yeri.
Qulağın öz yeri,gözün öz yeri,
Görüb,eşitməsən yalanlıq olar.
***
Özgənin qəmini bil özününkü,
Gözünün yaşını sil--özününkü.
Sözünə əməl et,dil özününkü,
Yoxsa,başqasına qalanlıq olar.
***
Sözündə doğru ol,əməldə mətin,
Alından(1)baş açmaq çətindi,çətin.
Taleyin hökmüdür,Mövlud,qismətin,
Hayana istəsə,o yanlıq olar.

1.Al--hiylə mənasında.

9.07.2014.Zərdabi.Mövlud Ağamməd.