Yazar.in, Proses.az informasiya portalı, 1book.az online kitab mağazası, İnnovativ Təlim Mərkəzi və Refresh Psixologiya Mərkəzinin birgə təşəbbüsü ilə hekayə müəllifləri arasında keçirilən Cəlil Məmmədquluzadə Ordeninin qalibi Peykər İbrahimovaya hədiyyələri təqdim olundu.

Qalib hisslərini belə bölüşüb: “Hər şeydən əvvəl qeyd etmək istəyirəm ki, müsabiqədə iştirak edəcəyimi gördükdə çox sevindim. Bu, elə mənim üçün qalibiyyət qədər böyük bir uğur idi. Yazar.in saytı yazdıqlarım barədə obyektiv fikirlər eşitməyimdə və onların oxunmasında böyük pay sahibidir. Mənim üçün bu qədər dəyərli bir saytın müsabiqəsində qalib olduqda sevincimin həddi hüdudu yox idi. Mükafatlarınızın hər biri üçün ayrılıqda təşəkkür edirəm. Xüsusilə,"Cinayət və cəza " romanının şəxsi kitabxanamda öz yerini tutmasından məmnunluq duyuram. Yazılarıma öz dəyərli vaxtını ayırıb oxuyan və müsabiqədə qalib olmağımda payı olan hər kəsə dərin təşəkkürümü bildirirəm”.

Xatırladaq ki, Peykər İbrahimova 35 səslə digər rəqiblərini qabaqlayaraq Cəlil Məmmədquluzadə Ordeninə sahib çıxmışdı.