Taleyin tərs yazıları
Qismətimi qara yazdı.
Ayrı düşdü məkanımız,
İndi burda qara yazdı.

Bir vururdu ürəyimiz,
Bir arzumuz,diləyimiz.
Bir dam altda dirəyimiz...
Biz hardayıq,hara yazdı.

Razim eldən gizli,pünhan.
Dərd bir yandan,sər bir yandan.
Fələk aldı canı candan,
Düşdüm ahu-zara,yazdı.

Gülüm güldü,soldu,neylim?
Mənə olan oldu,neylim?
Yolum uzaq yoldu,neylim?
Çəkdi məni dara,yazdı.

Bu yazıya pozu yoxdu,
Xəzanı var,yazı yoxdu.
Dərdin çoxu,azı yoxdu.
Mövlud dərdə çara yazdı.

25.04.2014 / Zərdabi
Mövlud Ağamməd