Olsa yüz sirrim əgər yaddaşıma yazmalıyam,

Yazıya yoxsa pozu, söylə, necə pozmalıyam?

Haqq yoluyla gedənin qisməti haqdan gələcək,

Tanrıdı bələdçimiz, yolda niyə azmalıyam?

Bir zaman əyrini əyri, düzü düz yazdı babam,

Mən niyə gördüyümü tərsinə bəs yozmalıyam?

Var elə mərdiməzar şakəri ev yıxmaq olub,

Mən bu işdən uzağam, zülmə quyu qazmalıyam.

İnsanın daxilini Tanrıdı, Ümman oxuyan,

Mən isə surətinin cizgisini cızmalıyam.