Yenə o küçədən keçirdim sənsiz...
Elnur Soltanoglu tərəfindən "Şeir" bolməsinə 10:29 14 aprel 2015 tarixində əlavə olunmuşdur

Yenə o küçədən keçirdim sənsiz,
Ulduzlu gecədə Ay qonaq idi.
Yenə də hər tərəf sakit-səmirsiz,
Varlığın ulduzlartək uzaq idi.

Necə uzun gəldi, mənə o yollar!!!
Hər addım keçmişə qayıtdı sanki.
Məni əsir aldı sənli xəyallar,
Gözümdə bir səhnə yaratdı sanki.

Beynimdə zaman da, vaxt da qarışdı,
Səsini eşitdim həmin o anda.
O sənli günlərim bir-bir yarışdı,
Əks oldu surətin Ay işığında.

Yenə də qarşıma çıxdı o məkan;
Hər gün ötürərdim buradan səni.
Bir vaxt ikimizi ayıran dalan,
İndi xəyalından ayırdı məni...

Yenə o küçədən keçdim mən sənsiz.
Ay da, Ulduzlar da küskün baxırdı.
Divarlar lal idi, ətraf da səssiz,
Zaman da unudub bizi axırdı.

 


... dəfə oxunub
Qiymət: 10/10(3 səs)
[qiymət ver ]
Şərh yaz
4+19=
Hesaba giriş
Müəllif

Elnur Soltanoglu
Haqqında
Elnur Soltanoğlu Qubadov. Bakı Dövlət Universiteti Şərqşünaslıq fakultəsinin məzunu. Sözlər insanın daxili aləminin təzahürü, insanlıq meyarının göstəricisidir. Sözə dəyər verməliyik ki, insan olduğumuzu da unutmayaq!!!
Əlaqə
E-mail:
soltanoglu1990@mail.ru
Sosial şəbəkə:
Facebook
YouTube-da izlə
Facebook
0.022 saniye