Səndən mənə böyük bir ad,

Xoş xatirə, anlar qalıb.

Zaman ötüb, təzələnib,

Dəyişməz ünvanlar qalıb.

Sən qəlbimin içindəydin,

Yenə orda məqamdasan.

Yaşadığım gündə, ayda,

Hər səhərdə, axşamdasan.

Günəş yenə səhər doğur,

Ay gecəyə baxmağında.

Xəzər yenə dalğalanır,

Girdimançay axmağında.

Yaşamağa dəyər hələ,

Yeni insan, nəsil gəlir.

Yeni tarixi yazmağa

Ümid gəlir, güman gəlir.

Başı qarlı Baba dağı

Möhtəşəmdi, Vüqarlıdı.

Vüqarıyla Telman Ümman

Çox zəngindi, həm varlıdı.