Allahı itirib səni tapmışdım,

Səni də itirdim, Allahı tapdım

Çevirib başımı geriyə baxdım:

Ömrümü heçliklə didən yollara

Gör hələ yar mənə neçə zol çəkər

O əllər əbədi dərdə qol çəkər

Ümidlər tükənər, könül yol çəkər

Bir gün gəlməyini güdən yollara

Qismətim önündən kənar dolandın,

Bəlkə də əzəldən yalan-dolandın

Bəs niyə ruhuma belə dolafndın:

Yönəltdin məni ram edən yollara?!

Həsrətdə comərdsən, ver qucaq-qucaq

İçimdə yerim yox, dolub künc-bucaq

Bir az da zorlasan, sən fışqıracaq

Qəlbimdən Allaha gedən yollara