Yoxdur demə,dünyada qəmin möhtacı insan,
İnsandı bəşər övladı,olmaz qəmi pünhan.
****
Pünhan necə çəksin qəmi Məcnun kimi aşiq,
Aşiqlərə zülm etmədə pərgardı bu dövran.
***
Dövran belə gəlmiş deyə səbr eyləmə,ey şəm,
Şəmdən yana pərvanə edər canını qurban.
***
Qurban sənə olsun bu canım,can dilə məndən,
Mən istəmərəm kim,çəkəsən qəm ilə hicran.
***
Hicrandı qəmin çarəsi,Mövlud,bunu dərk et,
Dərk et,nədi ah-zar,nədi nalan,nədi əfğan.

24.05.2015.Zərdabi.Mövlud Ağamməd.