Yoxdur

Bu dünyada,dostlar,bilin,
Eşq oduna yanan yoxdur.
Yaxşıların dövranıdır,
Kim deyir ki,yaman yoxdur.
***
Kədər nədir bilməyincə,
Göz yaşını silməyincə,
Dost-tanışlar gəlməyincə
Dərdə çarə qılan yoxdur.
***
Ömür gödək,tale qara,
Qəlbim olub para-para.
Asın məni,çəkin dara
Dost aşnada iman yoxdur.
***
Şair Mövlud,dostu tanı,
Namərdlərdə insaf hanı?
Axıracan bu dünyanı
Əldə tutub qalan yoxdur.

10.02.1984.Zərdabi.(Mövlud Ağamməd)