Yox oldu bir anlıq kədərim, qəmim
Olmadı heç nədən kəsirim, kəmim. 
Əyləşdi yanımda, könül həmdəmim, 
Çin olsun bu gecə gördüyüm yuxu.

Ruh ilə qovuşdu ilk dəfə bu can, 
Dünyada ən xoşbəxt mən idim o an,
Bitməsin bu röya, sökülməsin dan,
Çin olsun bu gecə gördüyüm yuxu.

Çəkdiyim dərdləri bir baxış sildi, 
Ürəklər son dəfə qovuşa bildi. 
O yara həsrətəm gör neçə ildi-
Çin olsun bu gecə gördüyüm yuxu.