YUXULAR
Gülnarə Sadiq tərəfindən "Şeir" bolməsinə 23:57 20 noyabr 2014 tarixində əlavə olunmuşdur

Bu gecə yuxular qoymayır yatım,

Səninəm, yanına gəlmişəm sənin,

Gözlərim gözünə həsrətlə baxır,

Qəlbimi ruhuna sərmişəm sənin,

Sözlərim sözündə ümid axtarır.

 

Bu gecə yuxular qoymayır yatım.

Necə də gözəlmiş sənlə yuxular,

Əllərin əlimdə yuxuya gedib.

Sübhün nəfəsiylə solan arzular,

Payızın qəlbindən çiçəklər dərib.

 

Bu gecə yuxular qoymayır yatım.

Könlüm pərvaz edir baxışlarında,

Eşqimizin üzü gülür bu gecə.

Sığınıb ruhunun naxışlarında,

Dilimdə sözlərim susur bu gecə.

 

Bu gecə yuxular qoymayır yatım.

Qorxuram səhərlər bir az tez gələ,

Açam gözlərimi sənsiz dünyaya.

Xəyalın tərk edə, tənhalıq gələ.

Yenə göz yaşlarım gələ haraya.


... dəfə oxunub
Qiymət: 9/10(3 səs)
[qiymət ver ]
Şərh yaz
5+13=
Hesaba giriş
Müəllif

Gülnarə Sadiq
Haqqında
Gülnarə Sadiq – Qasımova Gülnarə Ələkbər qızı 1985-ci il Azərbaycan respublikası,Gəncə şəhərində anadan olub.İlk təhsilini 2000-ci ildə həmin şəhərdə bitirdikdən sonra Gəncə Dövlət universitetinə qəbul olmuş və 2006-cı il həmin unuversiteti bitirmişdi.Uşaqlıq illərindən ədəbiyyata olan marağı Gülnarə qısa şeirlər yazırdı.Yazıları “Töhvə”, “Odlar Yurdu“qəzetlərində,”Məhəbbət işığında”,”Gəncliyin Səsi” almanaxlarında derc edilmişdi.Gəncə Dövlət Universitetinin nəzlində fəaliyyət göstərən “Gəncliyin Səsi”ədəbi dərnəyinin üzvü olmuşdu.Halhazırda www.vehdet.org saytının baş redaktorudu.
Əlaqə
E-mail:
edebi-islami.vehdet@yandex.ru
Sosial şəbəkə:
Facebook
YouTube-da izlə
Facebook
0.0317 saniye