Zalım olanın zülmü bu insanlığa sığmaz,
Məzlum olanın əzmi bu üryanlığa sığmaz.

Bəs etməsə ariflərə versən də işarə,
Cahil olanın elmi bu ürfanlığa sığmaz.

Qəvvas üzə bilməzsə əgər ümman içində,
Dəryada gəmi üzməyi ümmanlığa sığmaz.

Versən də könül qəlbi dönük türfə gözəllər,
Qurban edə canın,canı qurbanlığa sığmaz.

Məcnun kimi rüsvayi-cahan olma ki,Mövlud,
Çoxdan unudub Leylini,dövranlığa sığmaz.

28.11.2014 / Zərdabi
Mövlud Ağamməd