Zəmanəmiz çox dəyişib,
Pişik indi iti minir.
Tülkü dərs deyir meşədə,
Ayı dodaq büzüb gülür.

Taxtdan düşüb meşə şahı,
Şir, nərildəməyir daha.
Eşşək quyruğun bulayır,
At oynadır, ta qurbağa.

Bayquş ağıl dərsi verir,
Dəvə gəzər dəbli geyim.
Pələng gözdə qalmaz artıq,
Dövran həmin dövran deyil.

Qartal uça bilmir göyə,
Sərçə, gündəmdə dildədi.
Nə fərqi var deyə-deyə,
Şəhər də kənd günündədi.

Zaman güzgü tək göstərir,
Kim nə isə – odur, görün.
Dəyər itibsə bir yerdə,
Sükut da fəryaddır, bilin.

SEYMUR SÖNMƏZ PAŞAYEV©