Qadınlar da gedər
Adamlar da.
Hər gedişdə səbəb varsa,
Yorulub gedəni
Qırılıb gedəni
Bir də
Gedə bilməyib sevəni var,şair dostum.
Sevgi getmək deyil.
Sevgi-yorula-yorula,
Qırıla-qırıla sevə bilməkdir.
Sevgi-ilk küləyə dalğalara təslim olub
Batmaq deyil.
Sevgi-dalğalarda üzə bilmək,
Küləklərə təslim olub
Ona getməkdir,şair dostum.
Sevgi-ilk görüşlə son görüşün
Şeiri deyil.
Sevgi-ilk görüşün başlanması
Son görüşün sonsuzluğa tutulması
Və sənin sonsuzluqda itməyindir,şair dostum…