Bahalı arzularımı saxlamışam gәlәcәyimә,
Ucuzları qatışdırıram dualara,
Bir mömin insan qәdәr pakdı şeirlәrim
Misralarında qadınlar çoxdu amma günahsızdır.
Qaçacaq qәdәr gücüm yoxdu,
Amma qorxuları külәklәrә hәdiyyә vermişәm.
Cәhәnnәm qorxusundan Tanrını sevәn olmuşuq axı.

Reinkarnasiya olunmuş cismimdә belә xoşbәxt deyilәm
Elә ruhum şair bәdәnlәrinә qaçır,
Misralarımdan asılan hisslәr elә intiharı xatırladır.
Yaşamaq qorxusundan intiharı sevәn olmuşuq axı.

Balaca qapıları böyük ümidlәrlә acmaq üçün
Gözlәrimizi yuxusuz gecәlәrә dikib qalmışıq.
Bir arzu tutduğum anlarda
Ulduzlar belә süzülmür göy üzündәn.
Yozumsuz yuxuların dözülmәz ağrılarından,
Yarıyuxulu olmağı sevәn olmuşuq axı.

Sakitlikliyi ,insanlığı,dәrd elәmәyi unutmuşuq.
Bu şәhәr itirdiklәrini axtarışa vermәz olub.
Vә 16 günlük aclığa dözәr bu xalqın şәrli mәhkumları,
Düşmәnindәn yox özündәn qorxan millәt olmuşuq.
Biz niyә qorxaq olmuşuq!?