Dünyanın ən məşhur qadınının kim olduğunu bilirsiniz? Bu, Mona Lizadır. Hər il 8.8 milyon nəfər onu görmək üçün Luvr Muzeyini ziyarətə gəlirlər. Leonardo Da Vinçinin şah əsəri Luvrı son illərin ən çox ziyarət edilən muzeyi edib.

Vaşinqtondakı Aviasiya və Kosmos Muzeyi siyahıda ikincidir. Hər il 8.3 milyon insan Rayt qardaşlarının hazırladığı təyyarəni, Aya eniş edən Lunar Lander gəmisini, həmçinin, II Dünya Müharibəsi illərində təyyarəçilərin geyindiyi paltarları görmək üçün bu muzeyə gəlirlər.

Vaşinqtonun daha bir muzeyi – Təbiət tarixi Muzeyi siyahıda üçüncüdür. Bu muzey 200 nəfərlik alim heyəti ilə dünyada ən çox elm adamını bir yerdə toplayan muzeydir. Təbiət tarixi Muzeyini hər il 6.8 milyon insan ziyarət edir.