Yaxşı yol,əsmər qadın.
Arxanca bir kasa ümid atmışam
Geri dönəsən deyə.
Şeirlər də yazmışam
Rəsminlə dərdləşməyə.
Hələ bir də üstəlik sənlə baxdığım filmə
Bilet aldım ötən gün
Tək nəfərlik getməyə.
Arada tez yatıram
Bilirəm ki,gələcən.
Yuxuda da olsa da
Gəlib bizə dəyəcən.
Elə getdiyin gündən
Sən ən gözəl şeirim
Cümləm olmusan,qadın.
Sən ən gözəl əlvidam
Yadım olmusan,qadın.
Gözəl gəlişlim,gedişlim mənim,
Utanıram çəkməyə də adını
Yadlar eşidər deyə.
Bir vaxt dildə əzbərim.
İndi utanc yerim olmusan.
Çünki,
Getməz qadınım mənim,
Hamı inan burdadı
Bircə dənə sən yoxsan.
Biz axı başqa idik
Özümüz-özümüzlə.
Deyən hamı haqlıydı:
-Sizə belə göz dəyər!
Görən üzərlik yandırsam,
O günlər geri gələr?