Qəddar bir şairin qələmindəyik.
Hər şeir
Doğumla başlayıb ölümlə bitir.
Elə…O “alın yazısı” dedikləri də
Şairin yazdığı lənətli şeir.
Bir əlin yazdığı bədbin misranı,
Min əl toplansa da silinə bilmir.
Qaralama dəftəri elə bil Dünya.
Əsas şeirlər üçün yoxlanış yeri.
Toplanış yerimiz səhifə altı,
Kim olduğumuz da sətirin altı.
Gecələr,gündüzlər dava-dalaşda.
Gündüzü yazıblar aldatmaq üçün.
Gecələr danışır dinləsən əgər,
Danışır,söyləyir həqiqətləri.
Həqiqət qorxudur bu acizləri.
Gecəni qoyub gündüzə qaçan,
Deməki qorxuram qaranlığından.
Söylə sətir altında həqiqət yatır.
Gecələr şairlər şeirlər yazır.
Onunçün acizlər qorxduğu zaman,
Limandan uzağa yelkənlər açır.
Gecə sətir altı anlayanlara
Sakitlik,tənhalıq,kədər yoldaşı.
Bunlardan qorxaraq acizlər qaçır.
Gecəni qoyub gündüzə qaçan,
Hara qaçırsan sonundan axı?
Nə qədər qaçacan həqiqətindən?
Səhifə altında öz zirzəmindən?
Qaçsan da,qalsan da tək həqiqəti
Sətir altında yatır Dünyanın.
Bir gün tam ortasında şirin röyanın,
Gecə ağuşuna qovuşacaqsan.
Zülmət qaranlıqlarla boğuşaraq sən.
Səhifə altına gömüləcəksən.