Oturduğumuz parkları,
Gəzdiyimiz küçələri,
Geyindiyin paltarları
Və tutunduğum əlləri
Başqa şəhərlərdə də xatırlayıram.
Nə sən getdin,nə mən qaldım bu xarabada.
İki-üç şeir yazıb arada
Unutmağa çalışıram hələ də.
Kaş gedəndə
Bu parkları
Şəkilləri,qadınları
Yəni qısaca səni xatırladanları
Və sən olan hər şeyi də
Özünlə aparaydın.
Onda sən rahat gedəydin
Mən də bu xarabada rahat qalaydım…