Nəsə çatmır elə-bil
Evimizin havasında
Anamın mətbəxində
Bir də mənim
Bax bu balaca otağımda.
Çıxdım dəhlizə ki,
Bir az hərəkət edim
Bəlkə yuxum qayıtsa,
Səni görməyi gedim.
Eyvanda qonşumuzun
Paslı paltar sərgisi
Xəstə qonşumuzun da
Ağrılı iniltisi.
Bir də,zalım qızı,
Sənin rəsmin elə bil
Yuxumu çəkib ərşə .
Nəsə ee nəsə
Vallah nəsə çatmır elə bil!
Bir çimdiklik yanağın,
Bir qucaqlıq qolların
Bir söhbətlik dodağın
Bir gəlişlik ayağın.
Bir də bir mesajlıq barmağın
Qısası,
Nəsə çatmır...
Vallah nəsə çatmır elə bil!