Kimsən, güzgüdəki o insansan ?
Kimsən, dəyişmisən doğulandan ?
Kimsən, bir ət, sümük, bir də qansan?
Kimsən, bir holoqramsan yalandan?

Niyə, doğulmusan əzab üçün ?
Niyə, seçmirsən çox şeyi özün?
Niyə deyirlər, bu daşı öpün ?
Niyə, deyən bunu, deyir dözün?

Bəlkə , milyardlardan fərqlənirsən?
Bəlkə, milyard ildə bir gəlirsən?
Bəlkə, son məqsədi bilinməyən
Bəlkə, bir çarx kimi hərlənirsən?

Nə vaxt , düşünmüsən nə etmisən?
Nə vaxt, gedilməyən yol getmisən?
Nə vaxt, Marsa körpü tikməkçün sən
Nə vaxt, o silahları əritmisən?

Necə, dəyişərsən sən dünyanı?
Necə, yaxşı edərsən insanı ?
Necə , bu suallar soruşanın,
Necə, özündə insanlıq hanı?