Qadın bədəni məbəd, sənsə tanrının əlləriylə toxunarkən məbədə doldur içini nəfəsinlə, doldur sevginlə, səsinlə.
Sükut içində qalmaqdansa söz de, sevgidən de, özündən de, de ki bu ruhlar ölməz, ölməz çünki sevgi var.
Qaç şəhərlərdən. Qaç ki ona çatasan, gözləri ulduz qədər parlaq, içində batdığın gözləyir səni.
Və indi son evinə köçərkən belə, qırışlanmış əllərini öpməyə çalışdığın qadının göz yaşlarında boğulursan, boğulursan amma bu boğulmaq başqaları kimi ağrı gətirimir, sən xoşbəxtsən, sən sevdiyin qadının qollarında ölürsən, sönürsən, bitirsən, həyat keçir gözlər önündə,keçir, bitir amma sən xoşbəxtsən.
Gözləri ulduz,bədəni məbəd, ruhu cənnət olan qadın