Yanında əyləşdiyimiz ağaclar
Hələ də yaşıldılar.
Şəkillərdə hələ də
Sarı paltonda qışdasan.
Bu biri şəkildə də
Hələ də yanımdasan.
Mavi rəngli köynəyin
Çəhrayı ayaqqabın
Ahəngidir rənglərin
Albomdakı dünyamın.
Bəlkə də heç gəlməsən 
Tanımazdım rəngləri.
Bir də ki sən bilirsən
Rəngi var gedişlərin!?
Kimsə çıxıb gedəndə
2 rəng olur varlığın.
Biri gözün rəngidir,
Biri də ki saçının,.
İndi deyim özümdən
Bir də sənin rəngindən.
Gedişin bir rənglidir
Belə qalıb yadımda:
-Qara!...
-Sadəcə qara!