Bütün şəhər dayana.
Hər yerdə sən qalasan.
İşiqforlar yaşıl qala
Bütün yolu
Durub ona qaçasan.
Evində oturub
Filmlərə baxasan.
Elə filmdəki tək döyülə qapın.
Qapını azacıq aralayıb
Durub əsrlərlə ona baxasan.
Çıxıb gəzəsən bütün şəhəri.
Onun evi tərəfə hədəf qoyasan.
Yüyürüb gedəsən onlara tərəf.
O keçdiyi küçəyə əsir olasan.
Fəqət mümkün deyil bu dediklərim.
İnsanlar sevirlər sonra gedirlər.
Belə olması da bir şərt deyil ki!
Nəysə.
Bilmirəm nə çəkirsən sən ayrılıqdan.
Mən çox tütün çəkirəm ayrılığımıza.
Bildiyin 
Zəhərləyirəm özümü.
Ölümə qaçıram sənə qaçmaq yerinə.
Tələsirəm torpağa evimizin yerinə.
Çünki ölülər xatırlamır heç nəyi.
Belə deyirlər.
Ölü olmaq səni unutmaq
Və ən əsası 
Məndəki səni öldürməkdir.
Ölü olmağa tələsirəm.
Sənin olmaq yerinə....