Siz  heç  çox  sevdiyiniz  birini  itirmisiniz? Onun   birdə  həyatınızda olmayacağını hiss etmək,  onunla  hər  gün  getdiyiniz  yolu tək  getməyin nə  demək olduğunu  bilirsiniz?   Qaranlıqda tək oturduğun halda  onu görmək,  onunla  danışmağın necə bir şey  olduğunu?   Qəlbinizdəki  onun yeri  artıq  boş  kimi  bir şey,  beyninizdəki onla  bağlı  bütün xəyalların   heç  vaxt gerçək olmayacağını bilmək...Çox  qəribə  haldır.  Saatlarla  danışdığın  insanı, bütün  dərdlərini,  sirlərini  bölüşdüyün  bir insanı itirmək.  Böyük bir  şəhərdə,  yox  ölkədə  daha  doğrusu  dünyada   tək  qalmağın  nə demək  olduğunu bilirsiniz?  Bütün  günü  beynində  kaş zamanı  geri  çəkə  bilsəm, kaş  onunla  daha  çox  vaxt  keçirsəm  deyə  minlərcə fikirlər.   Bir  söz  var  “zaman hər şeyi  unutdurur” hər kəs  sözləşib əzbərləmiş  kimi  eyni şeyi  təkrar  edər..  əslində  zaman  hər şeyi  unutdurmur   sadəcə  zaman öyrəşdirir  artıq.  Yoxsa   kim  bir zamanlar  həyatının  çox  keçirdiyi  bir  insanı unudarki?